8. apríl 2009
Rannsóknasetur verslunarinnar - smásöluverslun minnkar
Velta í dagvöruverslun dróst saman um 16,6% á föstu verðlagi í mars miðað við sama mánuð árið áður en jókst um 8,6% á breytilegu verðlagi á sama tíma. Velta í dagvöruverslun á föstu verðlagi hefur aldrei áður dregist svo mikið saman á milli ára frá því að farið var að birta smásöluvísitöluna árið 2001. Ástæðuna fyrir samdrættinum má að einhverju leyti rekja til þess að í fyrra voru páskar í mars en eru í apríl á þessu ári, en meiru skiptir að stöðugur samdráttur hefur verið í dagvöruverslun frá því í ágúst á síðasta ári. Verð á dagvöru hækkaði um 30,1% frá mars í fyrra.
Forstöðumaður Rannsóknaseturs verslunarinnar er Emil B. Karlsson