2. mars 2009

Rannsóknasetur um stjórnun og alþjóðaviðskipti hlýtur styrk

Nýlega úthlutaði Vegagerðin styrkjum til rannsókna á sviði umferðaröryggismála.  Alls sóttu 230 aðilar um styrk úr sjóðnum og fékk RSA styrkúthlutun til þess að vinna að verkefninu Banaslys í umferðinni.  Verkefnið er vistað innan Rannsóknasetursins en verkefnastjóri er Óli H. Þórðarson fyrrverandi framkvæmdastjóri og formaður Umferðarráðs.  Megintilgangurinn með þessu verki er að safna saman í einn gagnagrunn öllum þeim upplýsingum sem mögulegt er að safna um sérhvert banaslys sem orðið hefur í umferðinni hér á landi og búa þannig til gagnagrunn sem nýtist öllum þeim sem vinna að umferðaröryggismálum á Íslandi.  Á næsta ári mun rannsóknasetrið svo gefa út bók sem hugsuð er sem aldarspegill umræðu um slys og umferðaröryggismál í yfir 100 ár. Óli H. Þórðarson mun rita bókina.