Í nýrri skýrslu frá Rannsóknasetri verslunarinnar kemur fram að verslun dróst saman um 6.8% á föstu verðlagi í janúar miðað við sama mánuð árið áður. Velta í dagvöruverslun hefur ekki verið minni frá því í byrjun árs 2007 að raunvirði þó neytendur verji mun fleiri krónum til innkaupanna en áður. Þannig jókst velta dagvöru á breytilegu verðlagi um 23.1 % á einu ári. Í janúar síðastliðnum voru fimm helgar en fjórar í janúar í fyrra sem hefði átt að leiða til aukinnar sölu en raunin varð samdráttur. Verð á dagvöru hækkaði um 32 % á einu ári, frá janúar 2008 til janúar 2009.
Skýrsluna má lesa á vef Rannsóknaseturs verslunarinnar