Miklar breytingar hafa orðið á íslensku samfélagi í kjölfar efnahagshruns og áherslur menningarstefnu opinberra aðila hafa verið til umræðu í því samhengi. Spurningar vakna um fjármuni til reksturs menningarstofnana, viðfangsefni menningarstefnu sveitarfélaga og meinta stefnu eða stefnuleysi stjórnvalda í menningarmálum. Því er tímabært að skoða íslenska menningarstefnu í gagnrýnu ljósi, bera saman nýlegar rannsóknir á opinberri menningarstefnu á Íslandi og velta upp spurningum um framtíðina.

Til þess að ræða stefnumótun í menningarmálum bjóða Meistaranám í menningarstjórnun við Háskólann á Bifröst og ReykjavíkurAkademían í morgunkaffi laugardaginn 17. janúar klukkan 10 – 12 í húsakynnum ReykjavíkurAkademíunnar í JL húsinu, Hringbraut 121.

Aðgangur er ókeypis, boðið verður uppá kaffi og allir eru velkomnir.

Erindi:

„Ég flaug í einkaþotu í boði Björgólfs“: Skiptir menningarstefna máli eftir hrunið?

Njörður Sigurjónsson, lektor við Háskólann á Bifröst

Menningarstofnanir og innflytjendur

Friðbjörg Ingimarsdóttir, meistaranemi í menningarstjórnun við Háskólann á Bifröst

Menningarstefnur íslenskra sveitarfélaga og landshlutasamtaka

Gerður Jónsdóttir, meistaranemi í opinberri stjórnsýslu við Háskóla Íslands

Endurskoðun á menningarstefnu Reykjavíkurborgar

Sólrún Sumarliðadóttir, verkefnistjóri hjá Reykjavíkurborg

Menningarstefnulaus fjárlög?

Sólveig Ólafsdóttir, meistaranemi í menningarstjórnun við Háskólann á Bifröst