Um 80 nýnemar mæta á sína fyrstu vinnuhelgi á Bifröst í dag, föstudaginn 22. ágúst. Þetta eru nemendur sem eru að hefja fjarnám í frumgreinadeild ásamt diplómanemum í verslunarstjórnun og öðrum sem hefja nám í Rekstri smærri fyrirtækja. Dagskráin hefst kl. 12.00 í Hriflu með ávarpi rektors. Að því loknu verður gert hlé á dagskrá og öllum boðið að fylgjast með ólympíulandsleik Íslendinga og Spánverja í handbolta. Gaman er að geta þess að þjálfari íslenska landsliðsins og 2 leikmenn þess stunda nám við Háskólann á Bifröst.

Dagskrá vinnuhelgarinnar er svohljóðandi:

Föstudagur 22. ágúst

Kl. 12.00 Setning náms - Ágúst Einarsson, rektor Háskólans á Bifröst

Kl. 12.15 Handboltaleikur á Kaffi Bifröst

Kl. 13.30 Kynning á námskjá og netkerfi - Finnbjörn Börkur Ólafsson, Sigurður Kristófersson

Kl. 14.30 Upplýsingatækni / Bókfærsla /Stærðfræði Jón Freyr Jóhannsson, Þórir Páll Guðjónsson og Hlynur Arnórsson.

Kl. 19.00 Samhristingur og sameiginlegur kvöldverður á Kaffi Bifröst

Laugardagur 23. ágúst

Kl. 09:00 – 15:00 Upplýsingatækni / Bókfærsla/ Stærðfræði / Rekstur verslana

Kl. 15:00 – 16:30 Námstækninámskeið – Ragnheiður Bóasdóttir

Umsjónarmenn fjarnáms í símenntunardeild er Geirlaug Jóhannsdóttir og í frumgreinadeild Guðrún Björg Aðalsteinsdóttir.

Senda á Facebook