21. maí 2008
Úthlutun húsnæðis
 |
| Útgarður |
Hér er birtur listi með nöfnum þeirra sem sóttu um húsnæði fyrir fyrsta maí. Þær umsóknir sem enn eru í vinnslu verða teknar fyrir í næstu úthlutun þann 10. júní. Greiðsluseðlar verða sendir út samkvæmt úthlutunarreglum og staðfestingargjald, kr. 15.000, innheimt, en það verður svo dregið af fyrstu greiðslu í haust. Sé úthlutun ekki staðfest fellur hún niður. Nýnemar og þeir sem segja upp húsnæði í vor en ætla að koma aftur fá slíka seðla.
Þeir sem eru að skipta um húsnæði þurfa ekki að greiða staðfestingargjald en þeir sem skipta um húsnæði í sumar greiða 10.000 króna flutningsgjald. Þetta á þó ekki við þegar flutt er úr Skógarseli í aðrar 3ja herbergja íbúðir á Nemendagörðum. Fólk sem á von á barni og fjölskyldufólk sem á rétt á að flytja úr tveggja herbergja í þriggja herbergja íbúð eða þriggja herbergja í fjögurra herbergja íbúð er undanþegið flutningsgjaldi.
Nánari upplýsingar um úthlutunarreglur og húsreglur er að finna á vef skólans undir liðnum Háskólaþorpið - Nemendagarðar.
Alda Baldursdóttir, sviðsstjóri húsnæðis, verður í sumarfríi frá 19. maí til 2. júní. Vinsamlegast beinið öllum athugasemdum til hennar á netfangið alda@bifrost.is . Öllum athugasemdum verður svarað eftir 3. júní.