17. maí 2008
Útskrift úr Mætti kvenna
 |
| Þriðji útskriftarhópur úr Mætti kvenna vorið 2008 |
Ágúst Einarsson rektor útskrifaði í dag 33 konur úr rekstrarnámskeiðinu Máttur kvenna. Þetta er þriðji hópurinn sem útskrifast á þessu vormisseri.
Mikil aðsókn var að námskeiðinu en alls hafa 130 konur lokið námi úr Mætti kvenna á þessu vormisseri.
Máttur kvenna er 3ja mánaða námskeið sem hefst með vinnuhelgi á Bifröst. Kennsla fer svo fram í fjarnámi og geta þátttakendur hlustað á fyrirlestra á netinu og unnið verkefni hvenær sem þeim hentar. Náminu lýkur með vinnuhelgi og formlegri útskrift.
Næsta námskeið í Mætti kvenna I er fyrirhugað í febrúar 2009.
Framhaldsnámskeið, Máttur kvenna II, hefst í lok ágúst 2008 og er einkum ætlað þeim konum sem hafa lokið Mætti kvenna I.
Fyrsti hópurinn hóf nám í Mætti kvenna vorið 2004 en nú hafa 320 konur lokið náminu.