Háskólinn á Bifröst býður nú uppá nýja þjónustu við fyrirtæki sem eru í leit að starfsfólki og nemendur í leit að starfi. Framatorgið –Atvinnuþjónusta er aðgengilegur og þægilegur vettvangur þar sem fyrirtæki og nemendur Háskólans á Bifröst mætast. Þar býðst fyrirtækjum að birta starfsauglýsingar sér að kostnaðarlausu og fá um leið beint aðgengi að nemendum skólans. Atvinnuauglýsingarnar eru eingöngu aðgengilegar nemendum Háskólans á Bifröst sem eru innskráðir á vef skólans. Einnig er mögulegt fyrir fyrirtæki að óska eftir samstarfi við nemendur á þessum vettvangi vegna misserisverkefna eða lokaverkefna.

Á Framatorginu eru jafnframt ýmsar upplýsingar fyrir ráðningaraðila um sérstöðu og áherslur skólans sem varpa ljósi á þann einstaka undirbúning sem nemendur hafa hlotið fyrir aðskiljanleg störf og kröfur atvinnulífsins og hvers konar fólk er hér að finna.

Þá eru á Framatorginu ýmis konar hagnýtar upplýsingar fyrir nemendur um mikilvæg atriði tengd náms- og starfsvali og atvinnuumsóknum.

Framatorgið er í umsjá Erlu Hrannar Vilhjálmsdóttur, sálfræðings og náms- og starfsráðgjafa við skólann.

Senda á Facebook