1. febrúar 2008

Málþing Háskólans á Bifröst og Þekkingarnets Austurlands

Framtíð Austurlands - Menntun, orka og tækifæri er yfirskrift málþings sem Háskólinn á Bifröst og Þekkingarnet Austurlands standa að í sameiningu. Fjallað verður um breytta atvinnuhætti á Austurlandi og þróun þekkingarsamfélagsins með auknu framboði á menntun, breyttum áherslum í námi og námsleiðum er lagaðar eru að þörfum nemenda.

Málþingið fer fram í Safnaðarheimilinu á Reyðarfirði, þann 6. febrúar 2008 frá kl. 15:15 til 17:15.

Frummælendur eru:

Friðrik Sophusson, forstjóri Landsvirkjunar - Nýting orkulindanna skapar ný tækifæri í menntun og atvinnu.

Stefanía G. Kristinsdóttir, framkvæmdastjóri Þekkingarnets Austurlands - Þjónusta við þekkingarsamfélagið.

Dr. Grétar Þór Eyþórsson, prófessor við Háskólann á Bifröst - Hvar liggja tækifæri Austfirðinga?

Einar Rafn Haraldsson, forstjóri Heilbrigðisstofnunar Austurlands - Fjarnám fyrir fólk á öllum aldri.

Pallborðsumræður.

Helga Jónsdóttir, bæjarstjóri Fjarðarbyggðar annast samantekt á erindi og umræðum. Fundarstjóri er dr. Ágúst Einarsson, rektor Háskólans á Bifröst.

Dagskrá málþingsins verður útvarpað í Svæðisútvarpi Austurlands.