Miðvikudaginn 5. desember útskrifuðust 16 nemar frá símenntunardeild Háskólans á Bifröst. Fjórir nemar útskrifuðust með diplóma í verslunarstjórnun og 12 af námskeiðinu Upplýsingatækni og bókhald sem haldið var í samvinnu við Símenntunarmiðstöðina á Vesturlandi og Visku fræðslu- og símenntunarmiðstöð Vestmannaeyja . Athöfnin var með hátíðlegu sniði. Ágúst Einarsson hélt ræðu og útskrifaði nema. Í ræðu sinni kom rektor m.a. inn á mikilvægi menntunar og hvatti nemendur til að nýta sér þá möguleika sem þeim stæðu opnir.

Allt útskrifuðust 4 nemar með diplóma í verslunarstjórnun. Björn Björnsson fékk verðlaun frá Samtökum verslunar og þjónustu fyrir góðan námsárángur.

Alls útskrifuðust 12 nemar af námskeiðinu Upplýsingatækni og bókhald.

Inga Dóra Halldórsdóttir, framkvæmdastjóri Símenntunarmiðstöðvarinnar á Vesturlandi flutti hátíðarræðu.

Þetta er í annað sinn sem Símenntunarmiðstöðin á Vesturlandi og Háskólinn á Bifröst eru í samstarfi með þetta námskeið. Viska, fræðslu- og símenntunarmiðstöð Vestmannaeyja tók þátt í samstarfinu að þessu sinni en 8 nemendur útskrifuðust frá Vestmannaeyjum. Í tilefni af útskriftinni hélt Ágúst Einarsson rektor til Vestmannaeyja og útskrifaði nemendur með formlegum hætti.

Senda á Facebook