28. nóvember 2007

Fyrsti útskriftarhópur af námskeiðinu Máttur kvenna II

Fyrsti útskriftarhópur úr Mætti kvenna II ásamt Bryndísi Hlöðversdóttur aðstoðarrektor og Huldu I. Rafnarsdóttur verkefnisstjóra símenntunar

Laugardaginn 24. nóvember útskrifuðust 19 konur af námskeiðinu Máttur kvenna II. Bryndís Hlöðversdóttir aðstoðarrektor hélt háttíðarræðu og útskrifaði konurnar. Í ræðu sinni kom Bryndís m.a. inn á þann ónýtta mannauð sem er fólginn í konum heimsins. Hvatti hún konurnar til að nýta þann stökkpall sem þær stæðu á og nýta hæfileika sína til fullnustu. Boðið var upp á léttar veitingar að athöfn lokinni.

Þetta er í fyrsta skipti sem námskeiðið Máttur kvenna II er haldið en það er framhaldsnámskeið fyrir konur sem áður hafa útskrifast úr Mætti kvenna I. Konurnar á námskeiðinu sóttu vinnufundi á föstudeginum. Á laugardeginum var farið í óvissuferð en það var  Ólöf glerlistakona í Brákarey sem tók á móti konunum á vinnustofu sinni. Þar var boðið upp stutta kynningu á starfi listakonunnar en einnig fengu konurnar að spreyta sig við listsköpun.