13. nóvember 2007

Heimsókn í bandaríska sendiráðið

Bifrestingar hlýða á erindi sendiráðsmanna

Fyrir skömmu fór dr. Duane Lacey, kennari í réttarheimspeki,  með tútorhópa sína í heimsókn í bandaríska sendiráðið. Tilgangur heimsóknarinnar var m.a. að kynnast starfi sendiráðsins og samskiptum Íslands og Bandaríkjanna.

 Tíu nemendur frá Háskólanum á Bifröst tóku þátt í heimsókninni og þar af voru fimm erlendir skiptinemar sem nú stunda nám á Bifröst. Eftir greinargott inngangserindi sendiráðsmanna gafst nemendum færi á að bera fram spurningar. Margt bar á góma; s.s. þátttaka Íslands í Nató, friðargæsla, stríðið í Írak, hlýnun andrúmslofts, efnahags- og viðskiptaleg samskipti landanna, o.fl., o.fl.

Nemendur létu vel af þessari heimsókn og kváðust hafa fengið greinargóðar upplýsingar og svör við fyrirspurnum.