15. október 2007

Lögfræðingur forsætisráðuneytis á málstofu

Í október 2006 samþykkti ríkisstjórnin aðgerðaáætlun um Einfaldara Ísland, sjá http://www.forsaetisraduneyti.is/raduneyti/verkefni/einfaldara-island/. Markmið hennar er að einfalda opinbert regluverk og stjórnsýslu til hagsbóta fyrir almenning og fyrirtæki í landinu. Einn liður í aðgerðaáætluninni er að vanda betur til verka við undirbúning lagasetningar. Páll Þórhallsson mun í fyrirlestrinum lýsa því hvar þessi vinna er á vegi stödd og víkja að þróun erlendis á sviði bættrar reglusetningar. Farið verður yfir mismunandi þrep í lagasetningu allt frá því hugmynd fæðist þangað til lög eru gefin út. Spurt verður hvað megi betur fara til þess að útkoman verði góð lög í almannaþágu. Meðal þess sem helst er nefnt er aukið samráð á undirbúningsstigi frumvarpa og auknar uupplýsingar í athugasemdum og fylgigögnum um hugsanlegar afleiðingar af samþykkt laga. Þá mun Páll velta fyrir sér samspili stjórnmálamanna, embættismanna, hagsmunaaðila og almennings við lagasetningu.

Málstofan fer að vanda fram í Hriflu og hefst klukkan 15.30.