31. ágúst 2007
Svæðisþing tónlistarskóla á Vesturlandi og Vestfjörðum
 |
| Hrifla er eftirsótt til ráðstefnuhalds |
Í dag fer fram fimmta svæðisþing tónlistarskóla á Vesturlandi og Vestfjörðum sem að þessu sinni er haldið í Hriflu, hátíðasal Háskólans á Bifröst.
Meðal frummælenda á þinginu er Ágúst Einarsson, rektor Háskólans á Bifröst. Ágúst kynnir „Vegvísi fyrir listfræðslu“, niðurstöðu heimsráðstefnu um listfræðslu sem fram fór í Lissabon 6.-9. mars 2006. Vegvísirinn eða Road Map for Arts Education er gefinn út af UNESCO og fjallar um þau tækifæri sem felast í listfræðslu til að mæta hugmyndum og kröfum um mikilvægi sköpunarkrafts og menningar á 21. öldinni.
Menntamálaráðherra, Þorgerður Katrín Gunnarsdóttir og Páll S. Brynjarsson, sveitarstjóri í Borgarbyggð flytja erindi og lýsa skoðunum sínum á inntaki Vegvísisins og að lokum verða pallborðsumræður um efni skýrslunnar.
Á þinginu verður jafnframt fjallað um endurskoðun aðalnámskrár tónlistarskóla, tónlistarkennslu í Minnesota o.fl.