14. júní 2007

Framhaldsnámskeið - Máttur kvenna II

Útskriftarhópur úr Mætti kvenna

Það hefst 31. ágúst og er opið þeim sem hafa áður lokið Mætti kvenna I. 

Þátttökugjald er 85.000 krónur. Innifalið í verðinu er kennsla í fjarnámi, 2 vinnuhelgar, gisting og matur.

Markmiðið með þessu námskeiði er að auka en frekar hæfni og þekkingu kvenna í atvinnurekstri. Auk þess að undirbúa nemendur fyrir almennan rekstur smærri fyrirtækja, er lögð áhersla á að viðhalda og efla tengslanet kvenna.

Sem fyrr eru kennarar á námskeiðinu sérfræðingar á sínu sviði. Eftirtaldar námsgreinar verða kenndar í Mætti kvenna II:

Bókhald II

Enska

Skattar

Rekstrarhagfræði

Samningatækni

Starfsmannastjórnun

Námið tekur alls 12 vikur í fjarnámi en það hefst og því lýkur með sameiginlegum vinnuhelgum á Bifröst.  Á fyrri vinnuhelginni er áhersla á nýsköpun og frumkvöðla. Fyrirkomulag fjarnámsins verður með þeim hætti að sendir verða út fjórir fyrirlestrar í hverri grein, auk þess sem skila þarf verkefnum. Konunar geta hlustað á fyrirlestrana þegar þeim hentar og þar sem þeim hentar. Náminu lýkur svo með annarri vinnuhelgi og útskrift á Bifröst. Gera má ráð fyrir að verja þurfi u.þ.b. 8-9 klst. á viku í námið. 

Nánari upplýsingar veitir verkefnastjóri símenntunar Hulda I. Rafnarsdóttir; netfang: hulda@bifrost.is