28. febrúar 2007

Skiptir útlitið máli fyrir frama í starfi?

Á morgun, 1. mars, mun eiga sér stað úrslitaslagur ræðukeppni Bifrastar. Verða það lið lagadeildar annars vegar og frumgreinadeildar hins vegar sem takast á um sannleiksgildi fullyrðingarinnar: Útlit skiptir máli fyrir frama í starfi.

Frumgreinadeild mun mæla með fyrrnefndri fullyrðingu en lagadeild á  móti.

Oddadómari verður rektor skólans, Ágúst Einarsson en meðdómarar Þórir Páll Guðjónsson og Birgir Hermannsson.

Lið frumgreinadeildar skipa:

Pétur Darri Sævarsson, Ingvar Christiansen, Ingi Björn Kárason og Álfheiður Ágústsdóttir

Lið lagadeildar skipa:

Valgeir Már Levy, Elín Björg Ragnarsdóttir, Jónína Brynjólfsdóttir og Guðmundur Jóhann Árnason

Búast má við spennandi keppni og er viðureignin, sem verður í Hriflu og hefst kl. 20, öllum opin.