28. apríl 2010

Ráðstefna í þjóðfélagsfræðum 7. og 8. maí

Fjórða ráðstefnan um íslenska þjóðfélagsfræði verður haldin í Háskólanum á Bifröst 7.-8. maí næstkomandi, en hún hefur áður verið haldin í Háskólanum á Akureyri og Háskólanum á Hólum. Ráðstefnan verður fjölbreytt að vanda með framlögum félagsfræðinga, mannfræðinga, stjórnmálafræðinga, heimspekinga, lögfræðinga, viðskiptafræðinga, og sagnfræðinga auk fræðimanna á tengdum sviðum. Ráðstefnunni er ætlað að skapa fræðilegan og faglegan umræðuvettvang um þjóðfélagsfræði í víðum skilningi. Þar gefst tækifæri til að kynna rannsóknir og koma þeim á framfæri og taka þátt í umræðum um það sem efst er á baugi hérlendis á sviði þjóðfélagsfræða.
 
Meðal efnis á ráðstefnunni má nefna:
 

• Stjórnmál, þjóðríkið og lýðræði                                              
• Íslensk og alþjóðleg menning
• Fjármál og viðskipti
• Efnahagshrunið; orsök og afleiðing
• Siðferði í viðskiptum og í opinberu lífi
• Viðskipti og stjórnun
• Ferðamál
• Jafnréttismál og kynjafræði
• Markaðsmál
• Fjölmenning og samfélag
• Samgöngur og samgöngubætur
• Kyn og ofbeldi
• Byggðaþróun
• Heilsa og lífsgæði      

Dagskrá og skiptingu í málstofur má finna hér.

Frekari upplýsingar um ráðstefnuna má finna hér.