Námskeið fyrir stjórnendur dreifbýlisverslana við Háskólann á Bifröst 

Námið er ætlað þeim sem hafa áform um að bæta og styrkja rekstur lítilla verslana í dreifbýli með því að bæta og breyta þjónustuframboði verslunarinnar og gera reksturinn skilvirkari. Tilgangur námsins er að gera þá sem reka litlar verslanir í dreifbýli hæfari stjórnendur og auðvelda þeim að koma auga á lausnir sem geta styrkt reksturinn. Námið er hagnýtt og sérsniðið að þátttakendum.

Kennsla fer fram í þrjú skipti frá föstudegi til laugardags (dagsetningar kunna að breytast):

• 14. og 15.  janúar 2011
• 11. og 12. mars 2011
• 9. og 10. september 2011

Kennslan fer fram á þremur vinnuhelgun sem. Hver þeirra byrjar kl. 13:00 á föstudegi og stendur til u.þ.b. kl 18:00. Þá er boðið til kvöldverðar, gist á staðnum og haldið áfram á laugardagsmorgni fram til kl. 16:00. Boðið er uppá morgun- og hádegisverð á laugardeginum.

Kennd verða fjögur fög:

Kaupmennska: Skipulag verslunar og vöruframsetning, samspil innra skipulags verslunar og markaðsaðgerða. Kennari: Thomas Möller

Markaðssetning í nærsamfélagi: Farið yfir grunnþætti markaðssetningar og hagnýting þeirra í litlum samfélögum. Kennari: Sigurður Ragnarsson
 
Birgðahald: Stjórnun birgðahalds, innkaupa og vöruflutninga. Kennari: Sigurður Á. Sigurðsson
 
Hagnýt upplýsingatækni og áætlanagerð: Kennt er hvernig hægt er á raunhæfan hátt að hagræða í rekstri með hjálp upplýsingatækni.  Kennari: Jón Freyr Jóhannsson.

 

Dagskrá: Áætlun 1. vinnuhelgi 14. janúar 2011 13:00 – 14:00 Inngangur og tilhögun námsins. Emil B. Karlsson og Geirlaug Jóhannsdóttir 14:00 – 17:00 Markaðssetning í nærsamfélagi 17:00 – 18:30 Niðurstöður rannsóknar á viðhorfum og óskum neytenda í dreifbýli   15. janúar 2011 09:00 - 12:00 Kaupmennska 13:00 – 15:00 Birgðahald 15:00 – 16:00 Hagnýt upplýsingatækni og áætlanagerð *************************************** 2. vinnuhelgi 11. mars 2011 13:00 – 17:00 Kaupmennska 17:00 – 18.00 Verslunarlausnir (sérfræðingur í verslunarlausnum í heimsókn) 12. mars 2011 09:00 – 12:00 Hagnýt upplýsingatækni og áætlanagerð 13:00 – 16:00 Birgðahald *************************************** 3. vinnuhelgi 9. september 2011 13:00 – 17:00 Markaðssetning í nærsamfélagi 17:00 – 18.00 Gestaheimsókn – success story   10. september 2011 09:00 – 12:00 Hagnýt upplýsingatækni og áætlanagerð 13:00 – 15:00 Birgðahald (e.t.v. heimsókn sérfræðings í UT varðandi birgðahald) 15:00 – 16:00 Umræður um niðurstöður og hugsanlegt framhald

Kennslufyrirkomulag

Kennslan verður með samblandi af fyrirlestrum og æfingum sem reynt er að tengja þann raunveruleika sem þátttakendur vinna við dags daglega. Lögð er áhersla á að þátttakendur beri saman reynslu sína og læri hver af öðrum.

Nemendum er úthlutað verkefnum til að leysa heima á milli vinnuhelga og farið yfir þau í næsta tíma. Til viðmiðunar má ætla að hvert heimaverkefni taki alls um 4 – 8 klst. og fer eftir forkunnáttu og metnaði hvers þátttakanda. Verkefnin eru valin með það í huga að styrkja eigin rekstur og hæfni þátttakenda.

Möguleiki verður fyrir þátttakendur að hafa samband við kennara gegnum tölvupóst á milli vinnuhelga.

Ekki verða eiginleg próf en þess í stað æfingar og verkefni. Að námskeiði loknu fær hver þátttakandi afhent skjal sem staðfestir þátttöku í námskeiðinu.

Námskeiðslýsing

Kaupmennska Kennari: Thomas Möller. Skipulag verslunar og vöruframsetning, samspil innra skipulags verslunar og markaðsaðgerða.

Markmið:
Að nemendur líti á búðina sem einskonar söluvél, sem þarf að stilla með reglubundnum hætti. Að nemendur sjái að mikilvægi þess að sú mynd sem verslunin vill sýna, sé einnig sú ímynd sem viðskiptavinurinn hefur af versluninni.

Við lok áfangans skal nemandinn:

• Geta gert grein fyrir mikilvægi þess að verslunin hafi framtíðarsýn og heildarmynd sem hægt er að vinna eftir.
• Kunna skil á þeim þáttum sem innrétting verslunarinnar hefur á þá ímynd sem viðskiptavinurinn hefur á búðinni svo og hegðun viðskiptavinarins.
• Þekkja þau fræði sem eru notuð til að skipuleggja vöruúrval og staðsetningu vara.
• Þekkja undirstöðureglur vöruuppstillinga.
• Geta gert grein fyrir mikilvægi auglýsinga og söluherferða og þeim fræðum sem liggja þar bak við og áhrif þeirra á ímynd verslunarinnar.

Stutt innihaldslýsing:
Kaupmennska nær til þeirra hátta í starfsemi fyrirtækisins sem samræmir "hugsjón" og "hugmyndir" sem fyrirtækið vinnur út frá, með markaðsstarfsemi og skipulagi í sjálfri búðinni og byggir á stefnumótun eigenda. Kynna nemendum þær aðferðir sem notaðar eru til að hafa áhrif á ímynd búðarinnar og hvaða möguleikar eru til að hafa áhrif á hegðun og innkaup viðskiptavinarins.

Hvað er kennt?

• Stjórnun heildarmyndar
• Verslunarstjórnun
• Innréttingar í verslunum
• Kauphegðun neytenda
• Reglur um vöruframsetningu
• Stjórnun hillurýmis
• Skipulagning söluherferða
• Áhrif auglýsinga

Kennslufyrirkomulag:
Kennt verður í tveim áföngum, 15. janúar 2011 kl. 9:00 – 12:00 og 11. mars 2011 kl. 13:00 – 17:00. Kennslan verður á formi fyrirlestra, umræðna og verkefna. Verkefni verða stutt hópverkefni unnin í tímum. Ekki er gert ráð fyrir heimanámi. Engar forkröfur eru aðrar en áhugi á kaupmennsku, jákvæðni og virk þátttaka.

Markaðssetning í nærsamfélagi.  Kennari: Sigurður Ragnarsson
Farið yfir grunnþætti markaðssetningar og hagnýting þeirra í litlum samfélögum.

Markmið: 
Eftir námskeiðið á nemandi að:

• Skilja mikilvægi markaðsfræðinnar í viðskiptum
• Skilja helstu lykilatriði markaðsfræðinnar
• Skilja helstu lykilatriði persónulegrar sölu
• Geta framkvæmt markhópagreiningu
• Vera hæfari til að kortleggja viðskiptavini
• Vera hæfari til að þjónusta viðskiptavini

Stutt innihaldslýsing:
Farið er yfir hlutverk markaðsfræðinnar og hvaða þýðingu hún hefur fyrir viðskipti almennt.  Þetta þýðir að við munum fara yfir og fjalla um nokkur lykilatriði markaðsfræðinnar, þ.á.m. kauphegðun, markaðsráðana, markhópagreiningu, markaðsrannsóknir og  þjónustustjórnun.  Ennfremur verður sérstaklega fjallað um staðsetningu vöru og þjónustu á markaði.  Þar sem um er að ræða áherslu á markaðssetningu í nærsamfélagi verður einnig fjallað um fagmennsku í persónulegri sölu. 

Kennslufyrirkomulag:
Fyrirlestrar, umræður, æfingar og verkefni.

Birgðahald Kennari: Sigurður Á. Sigurðsson
Stjórnun birgðahalds, innkaupa og vöruflutninga.

Markmið
Að loknu námskeiði eiga þátttakendur að kunna nauðsynleg undurstöðuatriði í gerð hagkvæmra innkaupa og að velja hagkvæmustu vöruflutninga.

Stutt innihaldslýsing:

Hagnýt upplýsingatækni og áætlanagerð. Kennari: Jón Freyr Jóhannsson
Kennt er hvernig hægt er á raunhæfan hátt að hagræða í rekstri með hjálp upplýsingatækni. 

Markmið: Gera nemendur hæfari til að vinna með tölulegar upplýsingar á tölvutæku formi og greina þær með aðferðum Excel töflureiknis

Stutt innihaldslýsing: Unnið verður með Excel töflureikni við úrvinnslu og túlkun gagna. Sýndar verða tengingar við gagnasöfn svo sem Access, ásamt því hvernig flytja má inn gögn frá öðrum kerfum. Unnið verður með Pivot-töflur í Excel

Kennslufyrirkomulag:  Kennsluform er þannig að nemendur fá í hendur upptökur (hljóð og mynd) þar sem farið verður yfir aðferðir við lausn viðfangsefna. Sýnidæmi verða aðgengileg. Leiðbeiningar í þessum upptökum eiga að duga til að vinna verkefni sem lögð verða fyrir.