Bjartir dagar á Bifröst 

Háskólinn á Bifröst býður upp á fræðsludagskrá fyrir aldurshópinn 60+ þar sem áhersla verður lögð á fræðslu, skemmtun og útivist í einstöku umhverfi skólans í Borgarfirði.  

Markmiðið er að þátttakendur njóti fjölbreyttrar dagskrár með fræðsluerindum og ráðgjöf um ýmis brýn málefni líðandi stundar.   

Boðið verður upp á fyrirlestra á degi hverjum þar sem færustu sérfræðingar halda erindi:

• Jón Ólafsson, forseti félagsvísindadeildar fjallar um andóf, ágreining og áróður í íslensku samfélagi. 
• Ágúst Einarsson, prófessor, fjallar um menningu sem atvinnugrein.
• Eiríkur Bergmann Einarsson, dósent, fjallar um störf stjórnlagaráðs.
• Helga Mogensen, matgæðingur og jógakennari, fjallar um heilsusamlegt líferni og mataræði.

Boðið verður upp á skoðunarferð um Borgarfjörð þar sem m.a. Reykholt og Landnámssetur Íslands verða heimsótt.

Mikil áhersla verður lögð á fjölbreytta hreyfingu og útivist þar sem allir ættu að finna eitthvað við sitt hæfi, s.s. göngutúra, morgunleikfimi og golf á golfvellinum Glanna.  

Gunnar Þórðarson, tónskáld, mun troða upp á kvöldvöku og síðasta kvöldið verður haldinn harmónikkudansleikur í hátíðarsal skólans. Þátttakendum stendur til boða að nýta alla þjónustu háskólans, m.a. bókasafn, líkamsræktaraðstöðu, pottasvæði og kaffihús.

Nánar um dagskrá Bjartra daga á Bifröst.

Innifalið í þátttökugjöldum er gisting í stúdíóíbúðum í uppábúnum rúmum og fullt fæði ásamt aðgangi að allri dagskrá og skoðunarferðum.

Verð fyrir 1 í herbergi er kr.  65.000 fyrir 4 daga.

Verð fyrir 2 í herbergi er kr. 120.000 fyrir 4 daga.

Áhugasamir eru hvattir til að kynna sér möguleika á styrkjum hjá fræðslusjóðum stéttarfélaganna.

Skráning fer fram í síma 433-3000 og með því að smella hér.

Allar nánari upplýsingar veitir Geirlaug Jóhannsdóttir í síma 433-3015 /  893-8960 og með tölvupósti geirlaug@bifrost.is .