Allt til alls - góður aðbúnaður bætir árangur

Háskólinn á Bifröst gerir kröfur til nemenda sinna og þeir gera kröfur til skólans. Góður árangur krefst góðrar aðstöðu fyrir nemendur og fjölskyldur þeirra.

Góð aðstaða til lestrar

Vinnuherbergi í aðalbyggingu og Hamragörðum eru opin allan sólarhringinn.

Fullbúin líkamsræktarstöð, gufa og heitir pottar

Líkamsræktarstöð heldur nemendum í formi og í dagslok má slaka á í gufu, ljósum og heitum pottum. Boðið er upp á jóga, boot camp, spinning o.fl.

Kaffi Bifröst

Kaffi Bifröst tekur um 100 manns í sæti. Þar má fá rétt dagsins í hádegi, súpu, salat og brauð á sanngjörnu verði. Jafnframt er boðið upp á rétti af matseðli, úrvals kaffi og fleira. Spurningakeppnin Gettu Bifröst er háð á kaffihúsinu hvert þriðjudagskvöld og nýtur mikilla vinsælda.

Fjölbreyttir útivistarmöguleikar

Í þorpinu miðju er leikvöllur fyrir yngri börnin, örstutt er út á fótboltavöll og golfvöllurinn Glanni er í göngufæri við skólann. Fallegar gönguleiðir eru í nágrenninu.