Allt til alls - góður aðbúnaður bætir árangur
Háskólinn á Bifröst gerir kröfur til nemenda sinna og þeir gera kröfur til skólans. Góður árangur krefst góðrar aðstöðu fyrir nemendur og fjölskyldur þeirra.
Góð aðstaða til lestrar
Vinnuherbergi í aðalbyggingu og Hamragörðum eru opin allan sólarhringinn.
Fullbúin líkamsræktarstöð, gufa og heitir pottar
Líkamsræktarstöð heldur nemendum í formi og í dagslok má slaka á í gufu, ljósum og heitum pottum. Boðið er upp á jóga, boot camp, spinning o.fl.
Kaffi Bifröst
Kaffi Bifröst er hjarta staðarins. Þar er boðið upp á fjölbreyttan mat í hádeginu og svo er ávallt boðið upp á gott kaffi og meðlæti. Þá eru oft einhverjir viðburðir á Kaffi Bifröst eins og tónleikar, Gettu Bifröst, beinar útsendingar frá knattspyrnuleikjum og svo mætti lengi telja. Kaffi Bifröst er því matstofa, kaffihús, veitingastaður og félagsheimili allt í senn.
Fjölbreyttir útivistarmöguleikar
Í þorpinu miðju er leikvöllur fyrir yngri börnin, örstutt er út á fótboltavöll og golfvöllurinn Glanni er í göngufæri við skólann. Fallegar gönguleiðir eru í nágrenninu.
Glæsileg verslun
Verslun Samkaupa var opnuð í háskólaþorpinu haustið 2007.
Afgreiðslutímar eru eftirfarandi:
Mánudaga til föstudaga: 08:30-18:00, laugardaga og sunnudaga frá 11:00-16:00.
Sími: 435 0122 / 659 2839
Netfang: bifrost@samkaupstrax.is
Verslunarstjóri er Sylvía Ólafsdóttir