Auður H Ingólfsdóttir, sviðsstjóri félagsvísindasviðs var formaður vinnuhóps sem hefur unnið undanfarið að greinagerð um nýtingu vindorku í Borgarbyggð. Þrjú svæði í Borgarbyggð gætu verið áhugaverð að skoða með tilliti til beislun vindorku. Þetta eru svæðin neðan til á Mýrum, með farvegi Hvítár og ofan Borgarness og ofantil í Norðurárdal.

Auður H Ingólfsdóttir, sviðsstjóri félagsvísindasviðs var formaður vinnuhóps sem hefur unnið undanfarið að greinagerð um nýtingu vindorku í Borgarbyggð.  Þrjú svæði í Borgarbyggð gætu verið áhugaverð að skoða með tilliti til beislun vindorku. Þetta eru svæðin neðan til á Mýrum, með farvegi Hvítár og ofan Borgarness og ofantil í Norðurárdal. Forsenda nýtingar vindorku á þessum svæðum er ítarlegri upplýsingasöfnun um veðurfar í samráði við fagaðila og þeirra sem eru kunnugir staðháttur. Óvíst er hvort bygging á stórum vindmyllum sé vænlegur kostur í Borgarbyggð en áhugavert væri að skoða hagkvæmni minni vindmyllna við býli sem nota mikla orku og til upphitunar á húsnæði á köldum svæðum.

Þetta er meðal þess sem fram kemur í nýrri greinargerð um nýtingu vindorku sem Borgarbyggð hefur látið vinna. Greinargerðin er afrakstur af starfi vinnuhóps um nýtingu vindorku sem stjórn Borgarfjarðarstofu skipaði haustið 2011. Eins og áður sagði var Auður H Ingólfsdóttir, sviðsstjóri félagsvísindasviðs við Háskólann á Bifröst  formaður hópsins en auk hennar sátu í hópnum þeir Sigtryggur V. Herbertsson (tilnefndur af Landbúnaðarháskóla Íslands), Sigurður Guðmundsson og Unnsteinn Elíasson. Starfsmaður hópsins var Einar Þ Eyjólfsson, atvinnuráðgjafi hjá SSV-þróun og ráðgjöf.

Starf vinnuhópsins er dæmi um samstarf milli háskólanna í Borgarfirði við sveitarfélagi og hvernig þekking úr háskólasamfélaginu getur nýst nærsamfélaginu.

Hægt er að nálgast skýrsluna hér: http://www.borgarbyggd.is/frettir/nr/128649/

Borgarbyggð framtíðarinnar?

Á þriðjudag verður málþingið „Ábyrgir stjórnendur – hlutverk háskóla", milli kl. 13.00-15.00 á Bifröst. Pernille Kallehave flytja opnunarerindi, en hún stýrir rannsóknarmiðstöð með sérhæfingu um innra skipulag fyrirtækja á tímum kröfu um sjálfbærni í rekstri. Miðstöðin heyrir undir Háskólann í Árósum (Aarhus University, Business and Social sciences), en að auki er Pernille ráðgjafi rektors skólans í málum tengdum sjálfbærni og er umsjónarmanneskja PRME stefnumótunar innan háskólans.

Pernille Kallehave

Þátttakendur í panel:

Auður H. Ingólfsdóttir, sviðsstjóri félagsvísindasviðs við Háskólann á Bifröst

Börkur Hansen, prófessor í stjórnunarfræðum menntastofnana við Háskóla Íslands

Mary F. Davidson, verkefnisstjóri hjá Háskóla Sameinuðu þjóðanna.

In/Equalities, Democracy and the Politics of Transition

- Alþjóðaráðstefna um lýðræði og afleiðingar hrunsins og kreppunnar á Íslandi og í Evrópu  

In/Equalities, Democracy and the Politics of Transition

- Alþjóðaráðstefna um lýðræði og afleiðingar hrunsins og kreppunnar á Íslandi og í Evrópu

EDDA – öndvegissetur við Háskóla Íslands, í samstarfi við Raymond Aron Center for Sociological and Political Studies (CESPRA) við Institute of Advanced Studies in the Social Sciences í París (EHESS), standa að alþjóðlegri ráðstefnu sem ber heitið In/Equalities, Democracy, and the Politics of Transition. Ráðstefnan fer fram við Háskóla Íslands 10.-12. maí 2012, í Öskju stofu 132. Hér má nálgast dagskrá ráðstefnunnar.

Meginviðfangsefni ráðstefnunnar er lýðræði og íslenska stjórnlagaráðið/þingið; ó/jafnrétti og velferð; og pólitískar, samfélagslegar og menningarlegar tilraunir til að glíma við afleiðingar hrunsins og kreppunnar á Íslandi og í Evrópu. Markmiðið er að leiða saman fræðimenn á sviðum stjórnmála- og kynjafræði, heimspeki, sagnfræði, bókmenntafræði og lögfræði til að ræða félagsleg umbreytingar- og endurreisnarskeið í þverþjóðlegu samhengi. Sjónum verður sérstaklega beint að lýðræðistilraunum, stjórnmálaþátttöku og endurreisnarorðræðum. Ráðstefnunni er einnig ætlað að vera alþjóðlegur fræðavettvangur og er hún skipulögð í því augnmiði að hvetja til samræðu milli fræðasamfélagsins og almennings um samfélagslegt og hugarfarslegt endurmat og uppbyggingu innan lands og utan.

Nánari upplýsingar má nálgast á heimasíðu ráðstefnunnar á slóðinni https://transition.hi.is/ . Að ráðstefnunni standa EDDA – öndvegissetur, Institute of Advanced Studies in the Social Sciences í Paris (EHESS), Hugvísindasvið Háskóla Íslands, Reykjavíkurborg, Háskólinn á Bifröst og franska sendiráðið á Íslandi.

Einar Svansson og Stefán Kalmansson verða með fyrirlestur um greiningu á helstu Hagsmunaðilum kvótakerfisins og sjálfbærni þess á ráðstefnu á miðvikudag.  Allir velkomnir á meðan húsrúm leyfir.

Erindi þeirra verður kl. 15:30 - 16:00 í Háskóla Íslands, Öskju stofu N132.

Einar Svansson og Stefán Kalmansson verða með fyrirlestur um greiningu á helstu Hagsmunaðilum kvótakerfisins og sjálfbærni þess á ráðstefnu á miðvikudag. Allir velkomnir á meðan húsrúm leyfir.

Erindi þeirra verður kl. 15:30 - 16:00 í Háskóla Íslands, Öskju stofu N132.

Það er rafmögnuð spenna þessa dagana á Bifröst enda eru misserisverkefni þessarar annar að líða undir lok. Í dag og á morgun eru misserisvarnir og margt spennandi þar að sjá.  

Það er rafmögnuð spenna þessa dagana á Bifröst enda eru misserisverkefni þessarar annar að líða undir lok. Í dag og á morgun eru misserisvarnir og margt spennandi þar að sjá.  Hér meðfylgjandi er dagskrá misserisvarna í þessari viku.

Föstudaginn 13. apríl verður ráðstefna á Bifröst í samstarfi Háskólans á Bifröst og Neytendasamtakanna.  Ráðstefnunni er ætlað að kynna og miðla því sem efst er á baugi í ríkjandi þróun landbúnaðarumhverfisins hér á landi og útí heimi; hvetja til uppbyggilegrar umræðu um kosti og galla núverandi fyrirkomulags; ræða framtíðargildi breyttrar eða óbreyttrar landbúnaðarstefnu; og að lokum, þau tækifæri sem liggja inn í framtíð. Liggur framtíðin í óbreyttu ástandi? Ef ekki, hverju þarf að breyta í núverandi landbúnaðarstefnu til að tryggja bændum eðlileg kjör og sókn til fjölþættari atvinnutækifæra, - innan eða utan ESB? Eru bændur sáttir við status-quo? Hver er sýn bænda inn í framtíð?

Nýtt landslag - nýjar áskoranir

Staða landbúnaðar á Íslandi í breyttum heimi. Ráðstefna á Bifröst föstudaginn 13. apríl.

Óbreytt ástand: Hverjum í hag?

Ráðstefnunni er ætlað að kynna og miðla því sem efst er á baugi í ríkjandi þróun landbúnaðarumhverfisins hér á landi og útí heimi; hvetja til uppbyggilegrar umræðu um kosti og galla núverandi fyrirkomulags; ræða framtíðargildi breyttrar eða óbreyttrar landbúnaðarstefnu; og að lokum, þau tækifæri sem liggja inn í framtíð. Liggur framtíðin í óbreyttu ástandi? Ef ekki, hverju þarf að breyta í núverandi landbúnaðarstefnu til að tryggja bændum eðlileg kjör og sókn til fjölþættari atvinnutækifæra, - innan eða utan ESB? Eru bændur sáttir við status-quo? Hver er sýn bænda inn í framtíð?

Nokkrar spurningar sem leitast verður við að svara: Hverjir eru kostir og gallar núverandi fyrirkomulags; hverjir eru valkostir neytenda; hvernig er hægt að tryggja að hagsmunir bænda og neytenda fari saman eða er það óhjákvæmilegt að takmarka val neytenda til að gæta hagsmuna bænda? Hvaða leiðir má fara til að tryggja þokkalega afkomu bænda og sátt við neytendur og samfélagið? Viljum við hamla á móti ríkjandi þróun - eða laga hana að breyttum aðstæðum? Hvaða áhrif hefur aðild Íslands að WTO? Hver er þróunin þar innan og er sú þróun langt frá þeirri þróun sem á sér stað innan ESB? Hvaða áhrif hefur það á stöðu íslenskra bænda náist samkomulag um nýtt regluverk innan WTO?

Einnig verður komið inn á umræðuna um sjálfbærni, endimörk vaxtar í takmörkuðum heimi", siðferði, vistspor, lífræna framleiðsla, iðnaðarlandbúnað, fæðuöryggi og „grenndar"-framleiðslu.

Sérfræðingar á sviði landbúnaðar-, neytenda- og matvælamála halda fyrirlestra og hagsmunaðilar úr ólíkum undirgreinum atvinnugreinarinnar segja frá reynslu sinni.

Hægt er að sjá upptökur frá ráðstefnunni hér: 

Fyrsti hluti   http://secure.emission.is/player/?r=062c1cca-e6e4-4eb8-9d22-b5cb57bd24c4

Annar hluti http://secure.emission.is/player/?r=3560257e-902a-4143-b578-32ed34f30b89

Þriðji hluti http://secure.emission.is/player/?r=7248b1bc-fbea-4781-ba52-6f4d3bf6cba2

Dagskrá föstudaginn 13. apríl.

Fyrirlesarar

10.30 - 10.40 Bryndís Hlöðversdóttir Rektor Háskólans á Bifröst

10.40 - 11.05 Þórólfur Matthíasson Hagfræðingur, prófessor, Háskóla Íslands　

11.05 - 11.35 Veli-Pekka Talvela Yfirmaður alþjóðamála í landbúnaðar-
og skógræktarráðuneyti Finnlands

11.35 - 12.00 Daði Már Kristófersson Náttúruauðlindahagfræðingur, dósent við Háskóla Íslands 　　

12.00 - 12.30 Kristín Vala Ragnarsdóttir Forseti verkfræði- og náttúruvísindasviðs HÍ

12:30 - 13:30 Hádegismatur

13:30 - 15:30 Ýmis erindi 　

Neytendasamtökin
Brynhildur Pétursdóttir, Neytendasamtökin (NS)

Landssamband Kúabænda

Baldur Helgi Benjamínsson, framkvæmdastjóri LK

Lífræn ræktun og matvælaframleiðsla
Eygló Björk Ólafsdóttir, Móðir Jörð, Vallanesi

Fulltrúar launþega
Gylfi Arnbjörnsson, forseti ASÍ

Sauðfjárræktin
Sindri Sigurgeirsson, sauðfjárbóndi

15:30–16:30 Hringborðsumræður (panel)

Smellið hér til að skrá þátttöku. Einnig er hægt að skrá sig í síma 545 1200 (Neytendasamtökin).

Verð 3.000 kr. (hádegisverður innifalinn).

Sumardaginn fyrsta, fimmtudaginn 19. apríl verður opinn dagur í Háskólanum á Bifröst.

Kennarar, starfsfólk og nemendur taka á móti gestum og gangandi og rölta hring um svæðið og kynna nám og starf á svæðinu, sýna íbúðir og aðstöðu.

Kynntar verða þær námsleiðir sem eru í boði:
-Frumgreinanám í stað og fjarnámi
-Viðskiptafræði í stað og fjarnámi
-Viðskiptalögfræði
-HHS - Hagfræði, heimspeki og stjórnmálafræði í stað- og fjarnámi
-MS í alþjóðaviðskiptum
-ML í lögfræði
-MA í menningarstjórnun
-MA í menningarfræði
-Símenntun

Gestum verður veitt innsýn í lífið á þessum einstaka kampus. Kynnt verður stoðþjónusta á svæðinu eins og barnaskóli, leikskóli, kaffihús, verslun, jógasetur og líkamsrækt.

Það verður nóg um að vera fyrir alla fjölskylduna og allir þeir sem koma á opinn dag fá frímiða í sundlaugina í Borgarnes þennan dag. 

Einnig verður glæsilegur handverksmarkaður þar sem gestum gefst kostur á að skoða fjölbreytta framleiðslu úr Borgarfirðinum.

Að sjálfsögðu verður boðið upp á hinar heimsfrægu Bifrastarvöfflur og kaffi.

Þetta er tilvalið tækifæri til að kynna sér nám í Háskólanum á Bifröst sem og íbúðir og alla þá stoðþjónustu sem finna má á Bifröst.  Sjón er sögu ríkari.

Hér er hægt að sjá myndir frá opnum degi 2011.

Allir velkomnir!

Nú líður að páskum og af því tilefni viljum við koma eftirfarandi á framfæri:

Skrifstofa skólans verður lokuð í Dymbilviku.

Bókasafnið verður opið mánudag 2. apríl frá kl. 09 – 16.00. Þann 3. og 4. apríl er safnið ekki opið en starfsmaður þess á bakvakt frá kl. 09.00 – 16.00 í síma 6994748. Safnið opnar aftur þriðjudaginn 10. apríl kl. 09.00

Kaffihúsið verður opið frá kl. 08.00 – 20.00 á mánudegi í Dymbilviku en frá kl. 12.00 – 17.00 þriðjudag og miðvikudag. Lokað er frá Skírdegi og fram til þriðjudagsins 10. apríl kl. 08.00.

Skrifstofa skólans opnar aftur eftir páska þriðjudaginn 10. apríl kl. 08.00.

Nú líður að páskum og af því tilefni viljum við koma eftirfarandi á framfæri:

Skrifstofa skólans verður lokuð í Dymbilviku.

Bókasafnið verður opið mánudag 2. apríl frá kl. 09 – 16.00. Þann 3. og 4. apríl er safnið ekki opið en starfsmaður þess á bakvakt frá kl. 09.00 – 16.00 í síma 6994748. Safnið opnar aftur þriðjudaginn 10. apríl kl. 09.00

Kaffihúsið verður opið frá kl. 08.00 – 20.00 á mánudegi í Dymbilviku en frá kl. 12.00 – 17.00 þriðjudag og miðvikudag. Lokað er frá Skírdegi og fram til þriðjudagsins 10. apríl kl. 08.00.

Skrifstofa skólans opnar aftur eftir páska þriðjudaginn 10. apríl kl. 08.00.

Nemendur í námskeiðinu Forysta og stjórnun, sem er sameiginlegt námskeið í grunnnámi allra deilda, fengu það verkefni að beita aðferðum verkefnastjórnunar við að bæta umhverfi háskólaþorpsins í víðu samhengi. Undir fyrisögninni "Betri Bifröst" áttu nemendur að skipuleggja og framkvæma viðburði og verkefni sem hefðu áhrif á hegðun hóps fólks sem gætu haft samfélagslega jákvæð áhrif á háskólasamfélagið.

Nemendur í námskeiðinu Forysta og stjórnun, sem er sameiginlegt námskeið í grunnnámi allra deilda, fengu það verkefni að beita aðferðum verkefnastjórnunar við að bæta umhverfi háskólaþorpsins í víðu samhengi. Undir fyrisögninni "Betri Bifröst" áttu nemendur að skipuleggja og framkvæma viðburði og verkefni sem hefðu áhrif á hegðun hóps fólks sem gætu haft samfélagslega jákvæð áhrif á háskólasamfélagið.

Dr. Njörður Sigurjónsson lektor, hvatti nemendur sína til að takast á við raunhæf verkefni sem hefðu í för með sér virk samskipti við starfsfólk skólans, aðra nemendur, nærsamfélag skólans og umhverfið. Útfærslu námskeiðsins vann Njörður með hliðsjón af áherslum skólans á sjálfbærni og samfélagsábyrgð.

Framkvæmdir og viðburðir fóru fram í byrjun mars en þriðjudaginn 13. mars kynntu nemendur verkefni sín, sem eru í eðlinu ólík og munu sum þeirra „lifa áfram" sem samfélagslegbæting innan þorpsins.

Verkefnin sem unnin voru:

1. Skipulagt nýtt námskeið í fjölmiðlafærni þar sem nemendur lærðu að gera sig gildandi í þjóðfélagsumræðu
2. Drög lögð að „Heilsuhelgum" á Bifröst þar sem háskólaþorpið býður gesti til andlegrar og líkamlegrar upplyftingar
3. Regnbogabíó. Barnabíó á sunnudegi, liður í að auka afþreyingu fyrir börn innan háskólaþorpsins
4. Skiptibókamarkaður starfræktur fyrir nemendur
5. Kynning á sjálfbærri þróun, náttúru- og umhverfisvernd í Borgarbyggð
6. Græn Bifröst. 10 tilraunaheimili fengin í lið til að flokka sorp
7. Samstarf við kvikmyndaklúbbinn Græna ljósið. Kvikmyndasýning skipulögð á Kaffi Bifröst
8. Næring og námsgeta. Nemendur framleiddu og seldu „hollustunammi" á kaffihúsinu til að auka meðvitund um samhengi næringar og námsorku
9. Gagnvirk nemendakennsla. Þróun á nýjum aðferðum við nám þar sem nemendur eru gerðir virkari
10. Fatasöfnunarátak. Tengslum komið á við Rauða Kross Íslands sem skilaði samfélaginu söfnunargámi inní háskólaþorpið

Frábært framtak og kann skólinn nemendum og kennara þakkir fyrir.

Málstofa í Hriflu kl. 12:30 - 13:10 á miðvikudag:

Alþjóðavæðing internetfyrirtækja, Málstofa um niðurstöður rannsóknar á aðferðum Google, Yahoo!, Facebook , MySpace, YouTube og eBay.

Á miðvikudag verður Brynjar Þór Þorsteinsson, umsjónarmaður meistaranáms á Bifröst, með málstofu um alþjóðavæðingu internetfyrirtækja.

Málstofa í Hriflu kl. 12:30 - 13:10 á miðvikudag:

Á miðvikudag verður Brynjar Þór Þorsteinsson, umsjónarmaður meistaranáms á Bifröst, með málstofu um alþjóðavæðingu internetfyrirtækja.

Alþjóðavæðing internetfyrirtækja, Málstofa um niðurstöður rannsóknar á aðferðum Google, Yahoo!, Facebook , MySpace, YouTube og eBay.

Fyrirtæki eins og Facebook og YouTube eru á meðal mest heimsóttu fyrirtækja á Internetinu og hafa náð hraðri útbreiðslu í heiminum. Alþjóðavæðing internetfyrirtækja er því áhugavert rannsóknarefni alþjóðaviðskipta og hvort kenningar og fræði geti útskýrt þessa hröðu útbreiðslu. Framkvæmdastjórar internet fyrirtækja ættu einnig að vera áhugasamur um hvaða aðferðum ætti að beita þegar kemur að því að ná hraðri alþjóðlegri útbreiðslu á Internetinu.

Rannsóknin, sem beindist að fyrirtækjum sem veita aðeins stafrænar vörur- og þjónustu, á vel við þar sem upplýsingatækni og Internetið er stór hluti af okkar daglega lífi.

Spurningin sem leitast var svara við var eftirfarandi:

Hvaða þættir hafa áhrif á alþjóðavæðingarferli internetfyrirtækja?

Einnig voru settar fram þrjár undirspurningar:

• Hvaða þættir ýta undir hraða alþjóðavæðingar Internetfyrirtækja?
• Hvaða aðferðir (e.entry mode) nota internetfyrirtæki við inngöngu frá markaði?
• Hvað hefur áhrif á val á markaði internetfyrirtækja?

Til að svara spurningunum var framkvæmd Rýnirannsókn (e. Case study) á sex þekktum fyrirtækjum með mikla alþjóðlega starfsemi. Þau eru: Google, Facebook, MySpace, YouTube, Yahoo! og eBay. Þessi fyrirtæki eru góð blanda af stafrænum vörum- og þjónustu og gefur tækifæri á að birta heildræna mynd af alþjóðavæðingu á Internetinu.

Brynjar Þór er menntaður íþróttakennari ásamt því að vera með B.Sc. gráðu í viðskiptafræði frá Háskólanum á Bifröst og M.Sc. gráðu í alþjóðaviðskiptum frá Viðskiptaháskólanum í Kaupmannahöfn (CBS). Brynjar hefur unnið sem íþróttakennari, sem þjónustu- og markaðsfulltrúi við Háskólann á Bifröst ásamt því að vinna að markaðsrannsóknum fyrir Risk Management.

Málstofan verður í Hriflu og hefst kl. 12:30.

Háskólarnir halda áfram ferð sinni í dag og nú er komið að Ísafirði.  Kynningin, sem haldin er í Menntaskólanum á Ísafirði,  stendur yfir frá kl. 10:30 - 13:00 og er þetta tilvalið tækifæri til að kynna sér námsframboð háskólanna. 

Í síðustu viku voru háskólarnir með kynningar á Egilstöðum og á Akureyri og voru þær afar vel sóttar.

Háskólarnir halda áfram ferð sinni í dag og nú er komið að Ísafirði. Kynningin, sem haldin er í Menntaskólanum á Ísafirði, stendur yfir frá kl. 10:30 - 13:00 og er þetta tilvalið tækifæri til að kynna sér námsframboð háskólanna.

Í síðustu viku voru háskólarnir með kynningar á Egilstöðum og á Akureyri og voru þær afar vel sóttar.

Við minnum á síðasta miðvikudagsfyrirlestur annarinnar, á morgun miðvikudag, kl 12:30-13:15 í Hriflu. bein útsending-upptaka

Ingibjörg Þorsteinsdóttir, nýráðinn héraðsdómari og varaformaður stjórnar FME :

"Getur fjármálaeftirlit hindrað hrun? Hvert er hlutverk FME og hvaða tæki hefur það til að sinna hlutverki sínu?"

Við minnum á síðasta miðvikudagsfyrirlestur annarinnar, á morgun miðvikudag, kl 12:30-13:15 í Hriflu. bein útsending-upptaka 

Ingibjörg Þorsteinsdóttir, nýráðinn héraðsdómari og varaformaður stjórnar FME :

"Getur fjármálaeftirlit hindrað hrun? Hvert er hlutverk FME og hvaða tæki hefur það til að sinna hlutverki sínu?" 

Fjármálaeftirlit er með mikilvægustu eftirlitsstofnunum í þróuðum kapítalískum hagkerfum. Hér á landi, líkt og annarstaðar á vesturlöndum, hefur fjármálaeftirltið sætt töluverðri gagnrýni fyrir að hafa brugðist fyrir hrun fjármálakerfisins haustið 2008. Í kjölfar hrunsins hefur því mikið verið rætt um mikilvægi þess að styrkja fjármálaeftirlit og jafnvel endurhugsa að einhverju leyti starfshætti þess eða hlutverk.

Ingibjörg mun í fyrirlestri sínum fjalla um hlutverk Fjármálaeftirlitsins eftir hrun og þær valdheimildir sem því eru veittar samkvæmt lögum til að sinna þessu hlutverki. Spurningar sem Ingibjörg mun velta fyrir sér eru meðal annars: Hvaða hlutverk hefur Fjármálaeftirlitið? Er hlutverk þess að hindra annað hrun? Hefur Fjármálaeftirlitið þær valdheimildir sem það þarf til að sinna hlutverki sínu?

Ingibjörg Þorsteinsdóttir, dósent, hefur verið sett tímabundið héraðsdómari við héraðsdóm Reykjavíkur frá og með 9. mars 2012 til og með 31. október 2012 í leyfi Allans V. Magnússonar héraðsdómara. Ingibjörg hefur verið fastur kennari í lögfræði frá 2001 en í leyfi um þessar mundir og mun láta af störfum fyrir skólann á næstunni.

Ingibjörg Þorsteinsdóttir, dósent, hefur verið sett tímabundið héraðsdómari við héraðsdóm Reykjavíkur frá og með 9. mars 2012 til og með 31. október 2012 í leyfi Allans V. Magnússonar héraðsdómara.

Ingibjörg hefur verið fastur kennari í lögfræði frá 2001 en í leyfi um þessar mundir og mun láta af störfum fyrir skólann á næstunni.

Guðmundur Thorlacius Ragnarsson verður þátttakandi í ráðstefnunni fyrir hönd Háskólans á Bifröst.

Dagskráin sem verður í Hátíðarsal Aðalbyggingar Háskóla Íslands, hefst kl. 9.15 og lýkur kl. 16.00 með móttöku.

Föstudaginn 9. mars verður haldin ráðstefna í boði Lagadeildar Háskóla Íslands og EFTA-dómstólsins í samvinnu við Háskólann á Akureyri, Háskólann í Reykjavík og Háskólann á Bifröst. Yfirskrift ráðstefnunnar er: Málsmeðferð við forúrlausnir og aðgangur að dómstólum innan Evrópska efnahagssvæðisins.

Guðmundur Thorlacius Ragnarsson verður þátttakandi í ráðstefnunni fyrir hönd Háskólans á Bifröst.

Dagskráin sem verður í Hátíðarsal Aðalbyggingar Háskóla Íslands, hefst kl. 9.15 og lýkur kl. 16.00 með móttöku.

Boðið verður upp á léttar veitingar í hádeginu.
Ráðstefnan fer fram á ensku og eru allir velkomnir meðan húsrúm leyfir.
Dagskrá ráðstefnunnar er hægt að skoða á heimasíðu lagadeildar.

---------------------------------------------------------------------------------

Friday March 9, a conference will be held by the Law Faculty of the University of Iceland and the EFTA court in co-operation with the Universities of Akureyri, Reykjavík and Bifröst.
The conference will address: The Preliminary Reference Procedure and Access to Justice in the European Economic Area.

The Programme, which will be in the Assembly Hall in the Main building of the University of Iceland, starts at 9.15 and ends at 16.00 with a reception.

A light meal will be served for lunch.
The conference will be in English and everyone is welcome as long as seats are available.
The Programme can be seen on theLaw Faculty´s web-page.

Á morgun, miðvikudag, er málstofa í Hriflu kl. 12:30 - bein útsending / upptaka.

Ari Teitsson, fyrrverandi formaður Bændasamtaka Íslands og stjórnarformaður Sparisjóðs Suður-Þingeyinga og Magnús Sveinn Helgason, sagnfræðingur:

Hátíðarfyrirlestur í tilefni 110 ára afmælis Sambands Íslenskra Samvinnufélaga: „Samvinnuhugsjónin og samvinnurekstur: Draumórar og hugsjónamennska eða nauðsynlegur valkostur og hluti heilbrigðs efnahagslífs?"

Á morgun, miðvikudag, er málstofa í Hriflu kl. 12:30 -  bein útsending / upptaka.

Ari Teitsson, fyrrverandi formaður Bændasamtaka Íslands og stjórnarformaður Sparisjóðs Suður-Þingeyinga og Magnús Sveinn Helgason, sagnfræðingur:

Hátíðarfyrirlestur í tilefni 110 ára afmælis Sambands Íslenskra Samvinnufélaga: „Samvinnuhugsjónin og samvinnurekstur: Draumórar og hugsjónamennska eða nauðsynlegur valkostur og hluti heilbrigðs efnahagslífs?"

Þeir Ari og Magnús munu fjalla um inntak samvinnuhugsjónarinnar og einkenni samvinnurekstrar. Hver er munurinn á samvinnufélögum og hefðbundundnum gróðasæknum einkafyrirtækjum og á samvinnurekstrarformið og samvinnuhugsjónin erindi við okkur í dag?

Fyrirlesturinn hefst kl. 12:30 og lýkur kl. 13:15 og er haldinn í Hriflu.

Hin árlega ræðukeppni Háskólans á Bifröst fer fram í Hriflu nk. miðvikdag kl. 14:00. Allir velkomnir. 

Síðastliðinn laugardag var haldið framtíðarþing í Háskólanum á Bifröst. Framtíðarþingið er liður í stefnumótunarvinnu háskólans sem nú stendur yfir. Um 100 manns mættu á þingið og var þar að finna nemendur, starfsfólk, hollvini, nágranna skólans, sveitastjórnarmenn og aðra sem höfðu skoðun á framtíð og hlutverki skólans 

Síðastliðinn laugardag var haldið framtíðarþing í Háskólanum á Bifröst. Framtíðarþingið er liður í stefnumótunarvinnu háskólans sem nú stendur yfir. Um 100 manns mættu á þingið og var þar að finna nemendur, starfsfólk, hollvini, nágranna skólans, sveitastjórnarmenn og aðra sem höfðu skoðun á framtíð og hlutverki skólans. Skipulag Framtíðarþingsins var í anda Þjóðfundar og það sem út úr fundinum kom verður síðan notað í stefnumótunarvinnu sem unnin er undir handleiðslu rektors og stjórnar skólans.

Á meðal þeirra álitaefna sem rædd voru á fundinum voru:

• Hvaða erindi á Háskólinn á Bifröst við nútímann og framtíðina?

• Hver er sérstaða hans í íslenskri háskólaflóru?

• Hvaða erindi á skólinn við nærsamfélagið og hvernig getur hann eflt tengslin við það?

• Hvernig þorp viljum við byggja upp á Bifröst?

• Hvernig á aðkoma nemenda og hollvina að vera að mótun skólans?

• Hver eru gildi Háskólans á Bifröst og fyrir hvað stendur hann?

• Hvað er að vera Bifrestingur?

Mikil ánægja var með fundinn og sagði Bryndís Hlöðversdóttir rektor að krafturinn, sem birtist í umræðunum og stemningu dagsins, væri ómetanlegt veganesti fyrir skólann til að fara með inn í framtíðina. Allar hugmyndirnar sem komu fram á fundinum verða nú skráðar skilmerkilega og notaðar í stefnumótunarvinnunni. Sú vinna er í höndum Bjarna Snæbjörns Jónssonar sem skipulagði fundinn og er skólanum innan handar í stefnumótunarvinnu hans.

Hér fyrir neðan eru nokkrar myndir frá framtíðarþinginu sem Ágúst Atlason, ljósmyndari tók.

Á morgun, miðvikudag verður fyrirlestur í Hriflu. Fyrirlesturinn hefst kl. 12:30 og stendur til kl. 13:15. - Bein útsending

"Úlfur í sauðargæru - nýjasta markaðsbragðið eða sameiginlegir hagsmunir fyrirtækja og samfélags?"

Regína Ásvaldsdóttir, framkvæmdastjóri Festu, miðstöðvar um samfélagsábyrgð fyrirtækja mun fjalla um þær áskoranir sem tengjast hugtakinu samfélagsábyrgð fyrirtækja. Skilgreining á hugtakinu er víð og því er svigrúmið til að nota það eingöngu sem markaðsbragð freistandi fyrir mörg fyrirtæki. Regína kynnir helstu aðferðir sem eru notaðar til að meta árangur fyrirtækja varðandi samfélagsábyrgð og veltir upp þeim ávinningi sem fyrirtæki hafa af því að taka ábyrgð, umfram lagalegu skyldu.

Regína Ásvaldsdóttir er framkvæmdastjóri Festu, miðstöðvar um samfélagsábyrgð fyrirtækja. Regína er með M.Sc. í stjórnun frá University of Aberdeen, með áherslu á breytingastjórnun og nýsköpun. Hún hefur margra ára reynslu af samfélagsmálum og stjórnun.